Góðan dag... allt orðið fullt hjá okkur og lokað fyrir alla skráningu...
Leiðbeiningar

16.09.09

Ferðavagnar.is hafa sett saman eftirfarandi lista til leiðbeiningar fyrir vetrargeymslu á ferðavögnum / húsbílum

Gott er að hafa eftirfarandi í huga áður en gengið er frá ferðavagni / húsbíl í vetrargeymslu.

 -    Vatnskranar skulu hafðir hálfopnir, sturtuhaus hafður í efstu stöðu og öll niðurföll opin. (gott að gera þennan hluta í lok síðustu útilegu til að vera viss um að ekkert vatn sé eftir í vatnskerfi vagnsin / bílsins), (athugið að sumar gerðir Truma hitunarkerfa má ekki tæma, vinsamlegast kannið hjá þjónustuaðila Truma eða lesið leiðbeiningarhandbók)

-    Salernistankur tæmdur og hreinsaður (einnig gott að gera í lok síðustu ferðar sumarsins).

-    Setjið gúmmítappa í affall vasksins.

-    Athugið að allar lokhlífar utan á vagni / bílnum séu vel lokuð.

-    Takið allar matvöru / leifar úr skápum og skúffum, jafnvel þó að séu í loftþéttum umbúðum.

-    Takið allt lín þ.m.t. handklæði, viskastykki úr vagni / bíl.

-    Þrífið / þvoið allar skúffur með sápuvatni.

 

-    Þrífið ísskáp / kæliskáp / kælibox  og skiljið dyr eftir opnar (festið hurð ef þarf).

 

-    Lokið öllum gluggum / viftuopum / þakgluggum og öðrum öndunaropum kyrfilega.

 

-    Aftengið gaskúta og takið úr vagninum, lokið fyrir gasventla.

 

-    Aftengið og fjarlægið rafgeymi / rafgeyma (mælum með að fólk tengi þá við hleðslutæki 2 - 3 sinnum yfir veturinn til að viðhald rafgeyminum og lengja líftíma hans / þeirra.

 

-    Þrífið vagn / bíl að utan.

 

-    Bónið vagninn / bílinn (athugið ef það er plexígler í gluggum vagnsins / bílsins þá skal ekki bóna gluggana eða nota rúðuúða sem inniheldur salmíak þar sem það getur rispað gluggann).

 

-    Ekki skilja vagninn eftir í handbremsu í langan tíma þar sem þær geta fests, setjið farg fyrir hjól framan og aftan.

 

-    Ef vagninn / bíllinn er geymdur úti án yfirbreiðslu þá skal hafa flugnanet niðri og loka gluggatjöldum til að koma í veg fyrir að áklæði upplitist.

 

-    Ef vagninn / bíllinn er geymdur úti þá skal koma fyrir rakaboxi / rakaboxum með rakagleypiefni til að draga úr rakamyndun.

 

-    Ekki birgja fyrir öndunarop á eldavél né ofni.

 

-    Smyrjið lamir, læsingar og beisliskúplingar.